माधव नेपालले लगाए केपी ओलीलाई केशरजङ रायमाझी बनेको आरोप, आफ्नो साथ छाड्ने नेताबारे मौन (राजनीतिक प्रतिवेदनको पूर्णपाठ)

काठमाडौं । नेकपा एकीकृत समाजवादीका अध्यक्ष माधवकुमार नेपालले आफ्नो साथ छाडेका १० नेताहरुका सम्बन्धमा मौन बस्दै एमाले अध्यक्ष केपी ओलीलाई मात्र दोषरोपण गर्दै केन्द्रीय कमिटी बैठकमा राजनीतिक प्रतिवेदन पेश गरेका छन् । अध्यक्ष नेपालले केन्द्रीय कमिटीमा पेश गरेको राजनीतिक प्रतिबेदनमा एमाले अध्यक्ष ओलीको चर्को आलोचना गरिएको छ ।

पार्टी एक हुन नसक्नुको एउटै कारण ओलीको सर्वसत्तावाद भएको ठहर गर्दै ओलीको निरंकुश र व्यक्तिवादी शैली प्रमुख कारण रहेको प्रतिवेदनमा निष्कर्ष निकालिएको छ । प्रतिवेदनमा ओलीकै कारण वाम गठबन्धन, झण्डै दुई तिहाइ जनमत, नेपाल कम्युनिष्ट पार्टी (नेकपा) भंग हुनु देखि एमालेको एकता समेत नजोगिएको उल्लेख गरिएको छ ।

एकिकृत समाजवादीका अध्यक्ष नेपालले राजनीतिक प्रतिवेदनमा पार्टी विभाजन नभएर विद्रोह गरेको दावी गरेका छन् । कम्युनिष्ट आन्दोलन जोगाउन एमालेबाट अलग हुनु परेको तर्क गर्दै प्रतिवेदनमा नेपाली कम्युनिष्ट आन्दोलनमा विगतमा पनि यस्ता विद्रोह भएको स्मरण गरिएको छ । केशरजंग रायमाझीसँग कम्युनिष्ट पार्टीकै संस्थापक पुष्पलालले विद्रोह गरेर आन्दोलन जोगाएको प्रतिवेदनमा उल्लेख छ ।

नेपालपक्ष छाडेर ओली पक्षमा विलय भएका नेताहरुले अगाडि सारेका दशबुँदे सहमतिलाई प्रतिवेदनमा प्रतिनिधि सभाको विघटनसम्बन्धी मुद्दालाई प्रभावित नाटकको संज्ञा दिईएको छ । ‘केपी ओली पक्षले २०७८ असार २७ गते राति दशबुँदे सहमति गर्नुको मूल ध्येय २८ गतेलाई पेशी तोकिएको अदालतमा विचाराधीन प्रतिनिधि सभाको विघटनसम्बन्धी मुद्दालाई प्रभावित गर्नु थियो । वार्ता त फगत नाटक मात्र थियो । अल्मल्याउने र फसाउने चाल मात्र थियो ।’ प्रतिवेदनमा लेखिएको छ, -‘केशरजङ रायमाझीले पार्टीलाई दक्षिणपन्थी अवसरवादको दिशामा लगेको बेला कमरेड पुष्पलाल लगायतका नेताहरूले विद्रोह गरेर पार्टी पुनर्गठन गरी आन्दोलनको रक्षा गर्नु भएको थियो । मोहनबिक्रम सिंह लगायतका नेताहरूले पनि विद्रोह गरेर नै पुनर्गठन अभियान चलाउनुभएको थियो ।’

केन्द्रीय कमिटीमा पेश भएको राजनीतिक प्रतिवेदनको पूर्णपाठ :

[pdf-embedder url=”http://3.0.214.97/wp-content/uploads/2021/09/Pratiwedan-of-com.Madhavkumar-Nepal.pdf” title=”Pratiwedan of com.Madhavkumar Nepal”]