काठमाडौं । नेकपा (एकीकृत समाजवादी) को केन्द्रीय कमिटीको बैठक आज (बुधबार) दोस्रो दिन बुद्धनगरस्थित क्वालिटी ब्यांक्वेटमा बसिरहेको छ ।
मंगलबारबाट सुरु भएको बैठक आज विभिन्न प्रस्तावमाथि छलफल गरी टुंग्याउने तयारी रहेको बताइएको छ । बैठकमा पेस भएका पाँचवटा प्रस्तावमाथि छलफल आजै सकेर बैठक समापन गर्ने तयारी रहेको एककिृत समाजवादी प्रचार विभागले जनाएको छ ।
मंगलबारको बैठकमा अध्यक्ष माधवकुमार नेपाललगायतले राजनीतिक प्रस्ताव पेस गरेका थिए भने अन्य नेताहरूले केन्द्रीय कमिटी विस्तार, कार्यविभाजन, चुनाव चिह्न र समसामयिक विषयमा प्रस्ताव पेस गरेका थिए ।
पार्टीले वैधानिकता पाएपछि एकीकृत समाजवादी यो पहिलो बैठक हो । यसअघि पार्टीले वैधानिकता पाउनुअघि भदौ ८ गते केन्द्रीय कमिटी बैठक बसेको थियो ।
प्रतिक्रिया