काठमाडौं । नेकपा एमालेले केन्द्रीय कमिटी बैठक बोलाएको छ । विधान महाधिवेशनको संघारमा रहेको एमालेले शुक्रबार र शनिबारका लागि केन्द्रीय कमिटी बैठक बोलाइएको हो ।
बैठक शुक्रबार ११ बजे ललितपुरस्थित तुल्सीलाल प्रतिष्ठानमा बस्ने पार्टी केन्द्रीय कार्यालय सचिब शेरबहादुर तामाङले जानकारी दिए ।
उनका अनुसार बैठकले विधान महाधिवेशनमा पेश हुने राजनीतिक प्रतिवेदन, सांगठनिक प्रतिवेदन र विधान संशोधनको प्रस्ताव पारित गर्नेछ । विधान महाधिवेशन यही असोज १६ देखि १९ गतेसम्म काठमाडौंमा हुँदैछ । महाधिवेशनमा ३ हजार प्रतिनिधिले भाग लिनेछन् ।
प्रतिक्रिया