काठमाडौं । एभरेष्ट प्रिमियर लिग (ईपीएल) अन्तर्गत आज दुई वटा खेल हुँदै छन ।
कीर्तिपुरस्थित त्रिभुवन विश्वविद्यालयको खेल मैदानमा आज बिहान ९ः३० बजे विराटनगर वारिवर्स र चितवन टाइगर्सबीच खेल हुने भएको हो ।
करण केसीको नेतृत्वमा विराटनगर र सोमपाल कामीको नेतृत्वमा चितवन मैदानमा उत्रिनेछन् । दुवै टिमको लक्ष्य सुखद सुरुआत गर्ने रहेको छ ।
त्यस्तै, आज अपराह्न १ः३० बजे दोस्रो खेलमा भैरहवा ग्लाडीयटर्स र पोखरा राइनोजबीच प्रतिस्पर्धा हुनेछ । भैरहवाको नेतृत्व शरद भेषवाकरले र पोखराको नेतृत्व विनोद भण्डारीले गर्नेछन् ।
शनिबारदेखि सुरु भएको इपीएलमा सन्दीप लामिछानेको कप्तानीमा रहेको काठमाडौं किंग्स इलेभनले कुशल भुर्तेलको कप्तानीमा रहेको ललितपुर प्याट्रियट्सलाई ७ विकेटले पराजित गरेको थियो । इपीएलको विजेताले ५० लाख पुरस्कार पाउँदा उपविजेताले १५ लाख पाउने छ । प्रतियोगिता २३ असोजसम्म चल्नेछ ।
प्रतिक्रिया