काठमाडौं । नेकपा माओवादी केन्द्रले सरकारमा पठाउने मन्त्रीहरूको नाम टुंग्याएको छ ।
माओवादी केन्द्रको आज बसेको स्थायी समिति बैठकले देवेन्द्र पौडेल, शशी श्रेष्ठ र महेश्वर गहतराजलाई सरकारमा पठाउने निर्णय गरेको हो ।
पौडेल बागलुङ क्षेत्र नं. १ बाट निर्वाचित सांसद हुन् । माओवादी स्थायी समितिका नेताहरूमध्ये पौडेलमात्र मन्त्री बन्न बाँकी थिए । यस्तै श्रेष्ठ राज्य व्यवस्था समितिको सभापति हुन् भने गहतराज बाँकेका नेता हुन् ।
यस्तै शहीद रामवृक्ष यादवकी छोरी बोधमाया यादवलाई राज्यमन्त्री बनाउने निर्णय भएको छ ।
माओवादीबाट यसअघि जनार्दन शर्मा र पम्फा भुसाल मन्त्री बनिसकेका छन् ।
गठबन्धनका शीर्ष नेताहरूबीच भएको मन्त्रालयको संख्या बाँडफाँटमा माओवादीले पाँच मन्त्री र एक राज्य मन्त्री पाउने सहमति भएको थियो ।
प्रतिक्रिया