बुटवलमा विस्फोटक पदार्थ पटाकाको गोदाममा प्रहरीको छापा, १० लाख बराबरको पटाका बरामद, एकजना पक्राउ

खबर कुरा
२२ आश्विन २०७८, शुक्रबार
                 

बुटवल । इलाका प्रहरी कार्यालय बुटवलले करीब १० लाख मुल्य बराबरको अबैध पटाका सहित एकजनालाई पक्राउ गरेको छ । दशैं तिहार छठलाई लक्षित गरी भारतबाट अबैधरुपमा नेपाल भित्राइएको पटाका आज प्रहरीले पक्राउ गरेको हो ।

अबैध पटाकाहरु बिक्री गर्ने प्रयोजनका लागि बुटवलमा घरभाडामा लिएर लुकाई छिपाई राखेको अवस्थामा प्रहरीले फेला पारेको प्रहरीले जनाएको छ । बुटवल ११ मजुवाको एउटा घरमा लुकाएर राखिएको पटाका बरामद भएको इलाका प्रहरी कार्यालय बुटवलका प्रमुख प्रहरी नायव उपरिक्षक मदन कुँवरले बताए ।

पटाका सहित प्रहरीले पटाका बिक्रीमा संलग्नन एकजनालाई समेत पक्राउ गरेको छ । पक्राउ पर्नेमा तानसेन नगरपालीका ७ पाल्पा स्थायी घर भएर हाल बुटबल उपमहानगरपालीका ११ मजुवा ३१ वर्षिय बिस्मिल्ला मुसलमान हुन् ।

भारतबाट चोरी तस्करी गरी बुटबल भित्राएर बिक्री गर्ने गर्ने तैयारी गरीरहेको अवस्थामा इलाका प्रहरी कार्यालय बुटवलको टोलिले पटाका सहित मुसलमानलाई पक्राउ गरेको थियो । घर भाडामा लिएर किराना पसल गदै आएका मुसलमानले पसल भित्र पटकाहरु राखेको भन्ने गोप्य सूचनाको आधारमा प्रहरीले छापा मारेको र्डीसपी कुँवरले बताए । कुँवरका अनुसार करीव ९ लाख मुल्यको १५ हजार ३ सय ८१ प्याकेट बिभीन्न आकारका साईजका पटाका प्रहरीले नियन्त्रणमा लिएको छ ।

चाडबाडमा हुने अवान्छित कृयाकलाप रोक्न इलाका प्रहरी कार्यालय बुटवलले एक टोलीनै परिचालन गरेको कुँवरले जानकारी दिए । पपक्राउ परेका मुसलमान विरुद्ध विष्फोटक पदार्य सम्बन्धी कसुर अन्तर्गत मुद्दा दर्ता गरि अनुसन्धान शुरु गरिएको प्रहरीले जनाएको छ ।

यसमा तपाइको मत

Your email address will not be published. Required fields are marked *


*