सिंहदरवारमा मन्त्रिपरिषदको आकस्मिक बैठक सुरु

खबर कुरा
३ कार्तिक २०७८, बुधबार
                 

काठमाडौं । प्रधानमन्त्री शेरबहादुर देउवाले बोलाएको मन्त्रिपरिषद्को आकस्मिक बैठक बैठक प्रधानमन्त्री तथा मन्त्रिपरिषद्को कार्यालय सिंहदरबारमा सुरु भएको छ । विपद् जोखिम न्यूनीकरण तथा व्यवस्थापन राष्ट्रिय परिषदको बैठक सकिए लगत्तै देउवाले मन्त्रिपरिषद्को बैठक बोलाएका थिए । सरकारका प्रवक्ता ज्ञानेन्द्रबहादुर कार्कीका अनुसार बैठकले बाढी तथा पहिरोका कारण भएको जनधनको क्षतिका सन्दर्भमा पीडितलाई राहत तथा मृतकका परिवारलाई क्षतिपूर्तिबारे आवश्यक निर्णय गर्ने छ ।

सिंहदरबारस्थित विपद् जोखिम न्यूनीकरण तथा व्यवस्थापन राष्ट्रिय परिषदको बैठकमा प्रधानमन्त्री देउवाले अविरल वर्षापछिको बाढी पहिरोका कारण प्रभावित तथा मृतकका परिवारलाई उचित राहत दिने घोषणा गरेका थिए । बैठकमा परिषदका सदस्यहरुले प्रधानमन्त्री देउवालाई देशभर भएका क्षतिको ब्रिफिङ गरेका थिए ।

 

यसमा तपाइको मत

Your email address will not be published. Required fields are marked *


*