काठमाडौँ । बाढी, पहिरोबाट घर भत्कोका पीडितलाई सरकारले घर बनाउ लाखसम्म आर्थिक सहयोग उपलब्ध गराउने भएको छ । प्रधानमन्त्री शेरबहादुर देउवाले बोलाएको मन्त्रिपरिषदको आकस्मिक बैठकले घर भत्केका पीडितलाई घर बनाउन रहकम दिने निर्णय गरेको हो ।
बैठकले पहाडी क्षेत्रमा घर भत्केका पीडितलाई घर बनाउन ४ लाख, हिमाली क्षेत्रमा घर भत्केका बाढी पीडितलाई ५ लाख र तराईमा घर भत्केका बाढी पीडितलाई ३ लाख उपलब्ध गराउने निर्णय भएको युवा तथा खेलकुद मन्त्री महेश्वर गहतराजले जानकारी दिए ।
आर्थिक स्थिती कमजोर भएका र घर बनाउने नबचेका लागि भने थप ३ लाख उपलब्ध गराइने मन्त्री गहतराजले बताए ।
वर्षाले धानबालीमा क्षति पुर्याएको विवरण संकलन र अध्ययन गरेर किसानलाई राहत दिने निर्णय भएको बताइएको छ ।
बाढी, पहिरोका कारण मृत्यु भएका घरपरिवारलाई २ देखि ४ लाखसम्म आर्थिक सहयोग दिने निर्णय गरेको पनि उनले बताए ।
प्रतिक्रिया