बागमतीका मुख्यमन्त्री शाक्यको पदको छिनोफानो कात्तिक १० गते

हेटौंडा । बागमती प्रदेशका मुख्यमन्त्री अष्टलक्ष्मी शाक्यले लिने विश्वासको मतको छिनोफानो यही कात्तिक १० गते मात्र हुनेभएको छ । यससँगै मुख्यमन्त्री शाक्यको पद थप एकसातासम्म बचेको छ

प्रदेशसभाको आज अपराह्न बसेको बैठकले मुख्यमन्त्री शाक्यले विश्वासको मत लिने कार्यका लागि यही कात्तिक १० गते बुधबार अपराह्न बस्ने बैठकमा मतदान हुने बागमती प्रदेशसभाका सभामुख सानुकुमार श्रेष्ठले बताएका छन् ।

आज दिउँसो ३ बजेका लागि बोलाइएको प्रदेशसभा बैठक ढिलो सुरु भएका कारण आजै मतदान गर्ने कार्यलाई सम्भव नभएका कारण कात्तिक १० गते पु-याइएको प्रदेशसभा सचिवालयका प्रमुख सचिव कृष्णहरि खड्काले बताए ।

बैठकमा मुख्यमन्त्री शाक्यले उक्त बैठकमा विश्वासको मत लिने कार्यका लागि संसद्मा रहेका सबै दलसँग आग्रह गरेकी थिइन । उनले दलगत स्वार्थभन्दा माथि उठेर संविधान र प्रजातन्त्रको रक्षाका लागि एकजुट हुनुपर्ने धारणा व्यक्त गरिन। तर, एमालेबाहेकका सबै विपक्षी दलले शाक्यलाई विश्वासको मत दिन नसक्ने स्पष्ट पारेका थिए ।