प्रधानन्यायाधीस जबरालाई नेपाल बारका पदाधिकारीले भेट्दै

काठमाडौं । नेपाल बार एसोसिएसनका पदाधिकारीहरुले आज प्रधानन्यायाधीस चोलेन्द्र शमशेर जबरालाई भेट गर्न लागेको छ ।

बारको कार्यसमितिले ११ बजेपछि प्रधानन्यायाधीस जबरालाई भेट गर्न लागेको हो । मन्त्रिपरिषद्मा भागवण्डा खोजेको लगायतका कैयौं विवादमा जबरा तानिएपछि बार कार्यसमितिमा उनी विरुद्ध आवाज उठाउनुपर्ने विषयमा छलफल भएको थियो ।

कुनै पनि निर्णय लिनुअघि प्रधानन्यायाधीससँग भेटेरै छलफल गर्ने सहमतिअनुसार आज बार पदाधिकारीले भेट गर्न लागेको हो । बारभित्र प्रधान्यायाधीसलाई बहिस्कार गर्नुपर्नेसम्मको आवाज उठिरहेको छ । कानून व्यवसायीहरुले अदालतमा न्यायाधीसहरुलाई बेन्च सेयर नगर्न समेत दबाब दिनुपर्ने बताइरहेका छन् ।

मन्त्रिपरिषद् विस्तारका क्रममा आफ्ना जेठानलाई मन्त्री बनाउन लविङ् गरेको, यसअघिको सरकारका पालामा संवैधानिक परिषद्मा आफ्ना मान्छे भर्ति गराएको, न्यायालयको स्वच्छता र मर्यादा विपरितका काम गरेको लगायतका आरोप प्रधानन्यायाधीस जबरामाथि लाग्दै आएको छ । पूर्व न्यायाधीसहरुको फोरमले त प्रतिनिधिसभामा उनी विरुद्ध महाअभियोग समेत लगाउनुपर्ने माग गरेको छ ।