काठमाडौं । ६ महिना पछि खुलेको सवारी चालक अनुमतिपत्र (लाइसेन्स) को अनलाइन फारम खुलेको २ दिन नबित्दै अनिश्चितकालका लागि बन्द गरिएको छ । अनलाइन प्रणालीमा बिहीबार दिउँसोदेखि प्राविधिक समस्या देखिएको भन्दै यातायात व्यवस्था विभागले अर्को सूचना नगर्दा सम्मका लागि आवेदन बन्द गरेको हो । पोर्टलमा समसस्या देखिएको र त्यसको मर्मतका लागि सेवा बन्द गरिएको विभागले जनाएको छ ।
विभागले बिहिबार साँझ एक विज्ञप्ति प्रकाशित गर्दै आवेदन बन्द गरिएकोबाट सेवाग्राहीलाई पर्न जाने असुविधाका लागि क्षमा समेत मागेको छ । गत बैशाख १७ गते देखि बन्द रहँदै आएको लाइसेन्सको आवेदन गत मंगलबारबाट मात्र खुल्ला गरिएको थियो ।
मुलुकमा कोरोना संक्रमणको महामारी बढ्दै गएपछि सरकारले जारी गरेको निषेधाज्ञाका कारण विभागले आवेदन लिन बन्द गरेको थियो । पुराना आवेदनको ट्रायल तथा लाईसेन्स वितरण गरेपछिमात्र नयाँ आवेशदन लिने अडानमा रहेको विभागलाई चौतर्फी दबाव आएपछि पुराना आवेदनको काम तामेल नहुँदै मंगलबारबाट आवेदन खोलिएको थियो । ढिलागरी खुलेको पोर्टलमा एकैपटक आवेदकको चाप पर्दा समस्या आएको विभागले जनाएको छ ।
प्रतिक्रिया