नेपालगन्ज । नेपालमा गैरकानुनीरुपमा अफगानिस्तानीहरु प्रवेश गरेको भेटिएपछि नेपाल भारत सीमाको नेपालगन्ज नाकामा कडाई गरिएको छ । तालिवानको कब्जापछि अफगानिस्तानबाट बिस्थापित नागरिकहरु नेपाल प्रवेश गरेको पाइएपछि नाकामा कडाई थालिएको हो । प्रहरीले आजै बाट नेपालगन्जको जमुनाहा नाकामा सुरक्षा जाँच कडा पारेको छ ।
खुला नाकाका कारण आफगानीहरु बाँके हुँदै नेपाल प्रवेश गर्नसक्ने आँकलन गर्दै सीमानाकामा कडाई गरिएको बाँके प्रशासनले जनाएको छ । सीमामा नेपाल प्रहरी र सशस्त्र प्रहरीको तैनाथी बढाइएको बाँकेका प्रमुख जिल्ला अधिकारी सुर्यबहादुर खत्रीले जानकारी दिए ।
आफगानीहरु नेपाल प्रवेश गर्दा भारतीय अधारकार्डको प्रयोग गरेको पाइएका कारण भारतीय आधार कार्ड देखाएर प्रवेश गर्न खोज्नेहरुमाथि पनि निगरानी बढाइएको प्रहरीले जनाएको छ । आफगानिस्तानमा तालिवानको कब्जापछि हजारौँले देश छाडेको समाचारहरु आइरहेका छन् ।
प्रतिक्रिया