काठमाडौं । नेकपा एमालेका अध्यक्ष केपी शर्मा ओलीले आफुले करोडौंको विलासिताको सामान कहिल्यै नकिनेको बताएका छन् ।
माओवादी अध्यक्ष प्रचण्डले लगाएको आरोपको खण्डन गर्दै अध्यक्ष ओलीले करोडौंको बिलासिताका सामान खरिद गरेको आरोपको खण्डन गरेका हुन् । प्रचण्डले हिजो चितवनमा ओलीले बालुवाटार कहिल्यै छोड्न नपर्ने ठानी त्यहाँ करोडौंको सामान थुपारेको आरोप लगाएका थिए ।
शनिबार सिन्धुपाल्चोक काठमाडौं सम्पर्क मञ्चले आयोजना गरेको शुभकामना आदान प्रदान कार्यक्रममा बोल्दै पूर्व प्रधानमन्त्री समेत रहेका ओलीले आफुमाथि विरोधीहरुले फत्तुर आरोप लगाएको बताए ।
ओलीले भने, ‘मेरो भान्छामा त भाँडाकुँडा पनि आफ्नै हुन्थे, केको सरकारी पैसामा किन्नु ? प्रधानमन्त्री निवासमा सेना पनि बस्छ, उसलाई खाना खानुपर्यो होला। भाँडाकुँडा चाहियो होला। मेरो श्रीमतीले पकाएको खाना खाएर बस्ने मलाई किन करोडौंको भाँडाकुँडा चाहियो ?,’
आफु एउटा रोटी र दुई गाँस भात खाएर बस्ने मानिस भएको ओलीले बताए । ‘त्यसैले मलाई करोडौंको भाँडाकुँडा किन चाहियोस ?’ ओलीले प्रश्न गरे ।
प्रतिक्रिया