बुटवल । ट्याक्टरमा लोड गरेर बिक्रि गर्न तयारी अवस्थामा राखिएको काठ रुपन्देही प्रहरीले बरामद गरेको छ । ईलाका प्रहरी कार्यालय धकधई रुपन्देहीबाट खटिएको टोलीले आईतबार रुपन्देही रोहिणी गाउँपालिका ४ पकडीहवामा लु २ त ४६११ नम्बरको ट्याक्टरमा लोड गरी राखेको अबैधसगुन र बकाईनोको काठ बरामद गरिएको प्रहरीले जनाएको छ ।
प्रहरी नायव निरिक्षक हरि नारायण श्रेष्ठको कमाण्डमा खटिएको गस्ती प्रहरी टोलीले आईतबार ट्याक्टरमा लोड गरी राखेको अन्दाजी ७ लाख ५० हजार मुल्य बराबरको सगुन र बकाईनोको ५२ गोलिया बरामद भएको जिल्ला प्रहरी कार्यालय रुपन्देहीका प्रवक्ता डीएसपी सत्यनारायण थापाले जानकारी दिए । नियन्त्रणमा आएको ट्याक्टर र काठ आवश्यक कारवाहीका लागि डिभिजन बन कार्यालय पाठाइएको डीएसपी थापाले बताए । कारठको कारोबार गर्ने व्यक्तिलाई भने प्रहरीले पक्राउ गरेको छैन ।
प्रतिक्रिया