पाल्पा । पाल्पाको अर्गलीमा खोला तर्ने क्रममा बरको रुख ढलेर किच्दा पानीमा डुबेर १ जनाको मृत्यु भएको छ । खोला तर्ने क्रममा बरको रुखले ढलेर किचेको र पानीमै डुबेर एक जनाको मृत्यु भएको पाल्पा प्रहरीले जनाएको छ ।
प्रहरीका अनुसार तानसेन १४ अर्गलीका ५० वर्षिय लक्ष्मण प्रसाद पाण्डे आफन्त भेट्न छेर्लुङ जाने क्रममा कालिगण्ढकी करिडोरको कुरुङखोला तर्दै गर्दा खोला छेउको बरको रुख अकस्मात ढलेर पाण्डेलाई किचेको हो । रुखले किचेपछि खोलाबाट निसकन नसकेका पाण्डेलाई खोलाले बगाएको र नजिकै बाँसको जरामा अल्झेको अवस्थामा स्थानीयले देखेपछि प्रहरीलाई खबर गरेका थिए ।
स्थानीबाट सूचना पाए लगत्तै प्रहरी निरिक्षकको कमाण्डमा प्रहरी परिचालन गरिउको पाल्पा प्रहरीका प्रवक्ता डीएसपी रामेश्वर त्वाँतीले जानकारी दिए ।
प्रतिक्रिया