काठमाडौं । अस्ट्रेलियालाई क्रिकेट टोली २४ वर्षपछि पाकिस्तान भ्रमणमा निस्कने भएको छ ।
सोमबार पाकिस्तान क्रिकेट बोर्डले अस्ट्रेलिया पाकिस्तान यात्रामा निस्कने तय भएको घोषणा गरेको हो । भ्रमण घोषणासँगै पाकिस्तान बोर्डले खेल तालिकासमेत सार्वजनिक गरेको छ ।
मार्चमा हुने तय भएको भ्रमणमा अस्ट्रेलिया र पाकिस्तानबीच तीन टेस्ट, तीन एक दिवसीय (ओडीआई) तथा एक टी( २० खेल आयोजना हुनेछ ।
यसका लागि खेल स्थलसमेत तय भइसकेको छ । पहिलो टेस्ट क्रिकेट ३ देखि ७ मार्चसम्म कराँची, दोस्रो १२ देखि १६ मार्चसम्म रावलपिण्डी तथा २१ देखि २५ मार्चसम्म लाहोरमा आयोजना हुनेछ ।
पाकिस्तान क्रिकेट बोर्ड अध्यक्ष रमिज राजाले भने, ‘अस्ट्रेलियालाई स्वागत गर्न पाउँदा खुसी छु । अस्ट्रेलिया एउटा राम्रो टोली हो, जुन टोली २४ वर्षपछि पहिलो पटक आउँदै छ । यो फ्यानका लागि विशेष उपहार हुनेछ ।’ राजाले अस्ट्रेलियाविरुद्ध आठ टेस्ट र १८ ओडीआई खेलेका छन् ।
यसअघि अस्ट्रेलियाली टोली सन् १९९८(९९ मा पाकिस्तान भ्रमणमा निस्किएको थियो ।
तालिका :
३-५ मार्च : पहिलो टेस्ट, कराँची
१२-१६ मार्च : दोस्रो टेस्ट, रावलपिण्डी
२१-२५ मार्च : तेस्रो टेस्ट, लाहोर
२९ मार्च : पहिलो ओडीआई, लाहोर
३१ मार्च : दोस्रो ओडीआई, लाहोर
२ अप्रिल स् तेस्रो ओडीआई, लाहोर
५ अप्रिल : टी- ट्वान्टी, लाहोर
प्रतिक्रिया