बुटवल । सिद्धार्थ राजमार्गअन्तर्गत बुटवल–पाल्पा सडकखण्ड मंसिर ६ गते सम्मका लागि रातीको समयमा सवारी आवागमन बन्द गरिने भएको छ । सोमबारदेखि मंसिर ६ गतेसम्म रातको समयमा दैनिक आठ घण्टा सवारी आवागमन बन्द हुने डिभिजन सडक कार्यालय पाल्पाले जनाएको छ ।
ठेकेदार कम्पनीले रातको समयमा काम गर्न सवारी आवागमन बन्द गरिदिन निवेदन गरेको आधारमा सार्वजनिक तथा निजी सवारीको आवागमन बन्द गरिएको डिभिजन सडक कार्यालय पाल्पाका डिभिजन प्रमुख रामेश्वर लम्सालले बताए ।
लम्सालका अनुसार उक्त सडक खण्ड बेलुकी ९ बजेदेखि बिहान ५ बजेसम्म गरी १५ रातसम्म बन्द हुने छ । सडक बिस्तारको काम जारी रहेपनि एम्बुलेन्स र सुरक्षाका सवारीसाधनलाई भने आवागमन गर्न दिईने लम्सालले बताए ।
बिहान ५ बजेबाट बेलुकी ९ बजेको अवधिमा भने सवारी साधन यथावत सञ्चालन हुने डिभिजन सडक कार्यालय पाल्पाको विज्ञप्तिमा उल्लेख गरिएको छ ।
प्रतिक्रिया