काठमाडौं । शिक्षा, विज्ञान तथा प्रविधिमन्त्री देवेन्द्र पौडेल फ्रान्स प्रस्थान गरेका छन् ।
संयुक्त राष्ट्रसंघको शैक्षिक वैज्ञानिक तथा सांस्कृतिक संगठन युनेस्कोको ४१ औँ महासभामा भाग लिन मन्त्री पौडेल गएराति फ्रान्सको राजधानी पेरिस प्रस्थान गरेका हुन् ।
महासभा बैठकमा शिक्षामन्त्री पौडेलले बिहीबार सम्बोधन गर्ने कार्यक्रम रहेको छ । युनेस्कोको मुख्यालयमा मंगलबारदेखि महासभा जारी रहेको छ ।
शुक्रबार शिक्षामन्त्रीहरूको बैठकमा मन्त्री पौडेलले विश्वव्यापी आधुनिक शिक्षाजस्ता विषयमा सम्बोधन गर्ने कार्यक्रम रहेको छ । यसमा १९३ राष्ट्रको प्रतिनिधित्व रहेको छ ।
महासभामा शिक्षा मन्त्रालयका सचिव रामप्रसाद थपलिया, नेपालका स्थायी प्रतिनिधि राजदूत दीपक अधिकारी, यूनेस्कोका लागि नेपालका सहायक महासचिव डा। बाबुराम अधिकारी सहभागी हुने भएका छन् ।
प्रतिक्रिया