काठमाडौं । गठबन्धन सरकारलाई सघाउन भन्दै गठन भएको ५ दलीय सत्ता गठबन्धनको राजनीतिक संयन्त्रको पहिलो बैठक सिंहदरवारमा चलिरहेको छ ।
सरकार सञ्चालनमा सहयोग गर्न भन्दै गठन गठन गरिएको सत्ता गठबन्धनको संयन्त्रको पहिलो बैठक गठन भएको एक साता पछि मंगलबार बसेको हो ।
गत कात्तिक २२ गते बसेको सत्ता गठबन्धनका शिर्ष नेताहरुको बैठकले गठबन्धनमा रहेका सबै दलको प्रतिनिधित्व हुने गरी सत्तारुढ सरकार सञ्चालनमा सहयोग गर्न भन्दै काँग्रेस वरिष्ठ नेता रामचन्द्र पौडेको संयोजकत्वमा ११ सदस्यीय राजनीतिक संयन्त्र (समन्वय समिति) गठन गरेको थियो ।
नेपाली कांग्रेसबाट वरिष्ठ नेता रामचन्द्र पौडेल र कृष्ण सिटौला, माओवादी केन्द्रबाट प्रचण्ड र नारायणकाजी श्रेष्ठ, एकीकृत समाजवादीबाट माधव कुमार नेपाल सहित १ जना, जनता समाजवादीबाट उपेन्द्र यादवसहित १ जना तथा जनमोर्चाबाट चित्रबहादुर केसी र दुर्गा पौडेल संयन्त्रका सदस्य छन् ।
संयन्त्रको नेतृत्व सबै दलले २–२ महिनाका लागि गर्ने सहमति भएको थियो ।
प्रतिक्रिया