काठमाडौं । नेपाल भ्रमणमा रहेका स्वामी रामदेवले नेकपा माओवादी केन्द्रका अध्यक्ष प्रचण्डसँग भेट गरेका छन् ।
स्वामी रामदेव आचार्य बालकृष्णसहित प्रचण्डलाई भेट्न उनको निवास खुमलटार पुगेका थिए । त्यसक्रममा रामदेव र बालकृष्णले प्रचण्ड पत्नी सीता दाहालको स्वास्थ्य अवस्थाको जानकारी लिनुका साथै स्वास्थ्य लाभको कामना गरेको उनको सचिवालयले जनाएको छ ।
पतन्जली योगपिठको कार्यक्रममा भाग लिन रामदेव र बालकृष्ण आजै मात्र काठमाडौं आएका हुन् ।
प्रोग्रेसिभ सुपरान्युक्लियर पाल्सी (पी.एस.पी.) रोगबाट ग्रसित दाहाललाई उपचारकै लागि केही महिना पहिले रामदेव आश्रम हरिद्वार लगिएको थियो ।
प्रतिक्रिया