काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले आउँदो चुनावमा मधेसमा माओवादी केन्द्र पहिलो पार्टी हुने दाबी गरेका छन् ।
रौतहटमा शनिबार आयोजित कार्यक्रमलाई सम्बोधन गर्दै अध्यक्ष प्रचण्डले निरंकुशता र आत्मसमर्पणवादीहरुलाई पराजित गर्दै माओवादी पहिलो पार्टी बन्ने दाबी गरेका हुन् ।
अध्यक्ष प्रचण्डले माओवादी परित्याग गरी एमाले बनेका प्रभु साहलाई लक्षित गर्दै उनलाई भगौडा, प्रतिक्रान्तिकारी भएको आरोप लगाए । प्रचण्डले भने ‘रौतहट जिल्ला महान् सहिदहरूको हो, निरंकुशतावादी, आत्मसमर्पणवादीहरूको जिल्ला होइन, यो क्रन्तिकारीहरूको जिल्ला हो। महान् सहिदहरुको जिल्ला हो।’
अध्यक्ष प्रचण्डले आफुलाई सिध्याउने उद्देश्यले एमालेले चितवनमा महाधिवेशन राखेको दाबी गरे । उनले एमालेले महाधिवेशन गरेर मान्छे उतारे पनि जनताको अगाडि केही नलाग्ने बताए ।
उनले भने, ‘अहंकारले चरमचुलीमा पुगेका खलनायकहरुले पनि महाधिवेशन गर्दैछन्’ प्रचण्डलाई माया गरेका छन्, तर उनीहरु माया गर्न गएका त होइनन्, सिध्याउन गएका हुन्, तर जनताको अगाडि कुनै तागतले केही गर्न सक्दैन ।’
प्रतिक्रिया