तानसेन-तम्घास सडक हरेक दिन ११ घण्टा बन्द हुने

खबर कुरा
८ मंसिर २०७८, बुधबार
                 

पाल्पा । पाल्पा गुल्मी सडक आज(बुधबार) बाट प्रत्यक दिन ११ घण्टा बन्द हुने भएको छ । तानसेन सडकको जोर्ते खण्डमा सडक चौडा गर्नका लागि मंसिर २२ गते सम्मका लागि हरेक दिन ११ घण्टा सडकको आवागमन बन्द हुने सडक डिभिजन कार्यालय पाल्पाले जनाएको छ ।

सडक डिभिजन कार्यालयका अनुसार हरेक दिन बिहान ११ बजे देखि ३ बजे सम्म र राती ९ बजेबाट बिहान ४ बजे सममका लागि सडकको आवामन बन्द गरिने छ । सडक निर्माणमा अवरोध आएको भन्दै ठेकेदार कम्पनीबाट सडक बन्द गर्न निवेदन आए बमोजिम सडक बन्द गर्ने निर्णय भएको कार्यालयबाट जारी सूचनामा उल्लेख छ । एम्बुलेन्स र सुरक्षा निकायको सवारीलाई भने अवरोध नहुने सूचनामा जनाइएको छ ।

सो सडकको जोर्ते खण्ड सर्वाधिक जोखिमपूर्ण मानिँदै आएको थियो ।

 

 

यसमा तपाइको मत

Your email address will not be published. Required fields are marked *


*