नेपालगन्ज । दुई हप्ता पहिले मुगुका लागि उडान भरेको जहाज बँडेललाई ठक्कर दिएर सामान्य दुर्घटना भएको नेपालगन्ज बिमान स्थलमा बुधबार अवतरण गर्दै गरेको जहाजले स्याललाई ठक्कर दिएको छ । काठमाडौं बाट नेपालगञ्जका लागि नियमित उडानबाट आएको बुद्ध एयरको एब्रो जहाजले बुधवार साँझ नेपालगन्ज् विमानस्थलमा अवतरणको क्रममा स्याललाई ठक्कर दिएको हो ।
विमानस्थलका प्राबिधिकहरुको सूचनालाई पछ्याउँदै विमानस्थलमा बुधवार साँझ ७ बजेर ५ मिनेटमा अवतरण गरेको बुद्धको 407 9NAJX कल साइन रहेको जहाज अवतरण पछी रन वे मा दौडिरहेको अवस्थामा जहाजको पांग्रामा स्याल ठोक्किन आएको बताइएको छ । जहाजको ठक्करबाट स्याल क्षतबिक्षत भएको प्रत्यक्षदर्शी एक विमानस्थलका एक कर्मचारीले बताए । स्थालसँग ठोक्किएपनि विमानमा कुनै क्षति नपुगेको र यात्रुहरुपनि सकुशन रहेको नेपालगन्ज हवाई कार्यालयले जनाएको छ ।
२ हप्ता अघि मात्र नेपालगञ्ज बाट मुगु उडानको लागि रनवे मा दौरिरहेको सिता एयरको टुइनेटर जहाज ३ वटा बँदेलसँग ठोक्किएको थियो ।
प्रतिक्रिया