प्रधानन्यायाधीश प्रकरणमा नेपाल बार र प्रधानमन्त्रीबीच छलफल हुँदै

खबर कुरा
१० मंसिर २०७८, शुक्रबार
                 

काठमाडौं । प्रधानन्यायाधीश चोलेन्द्र शम्सेर जबराको राजीनामा माग्दै कडा आन्दोलनमा उत्रिएको नेपाल बारको आन्दोलनबाट भाग्दै हिँडेका प्रधानमन्त्री शेरबहादुर देवाउले प्रधानन्यायाधीश प्रकरणमा पहिलो पटक आन्दोलनरत नेपाल बारका भेट गर्ने भएका छन् । प्रधानन्यायाधीश प्रकरणमा आफुलाई अलग राख्दै आएका देउवाले आज पहिलो पटक नेपाल बार एसोसिएसनका पदाधिकारीलाई छलफलका लागि बोलाएका हुन् ।

प्रधानमन्त्री निवास बालुवाटारमा प्रधानमन्त्री देउवाले बिहान साढे १० बजे छलफलका लागि बोलाएको बारका अध्यक्ष चण्डेश्वर श्रेष्ठले बताए । श्रेष्ठका अनुसार देउवाले नेपाल बार र सर्वोच्च अदातल बार एसोसिएसनका पदाधिकारीलाई छलफलका लागि बालुवाटार बोलाएका छन् ।

प्रधानन्यायाधीश चोलेन्द्रशमशेर जबराको राजीनामा माग गर्दै एक महिनादेखि आन्दोलनरत बार र वृहत नागरिक आन्दोलनले बिहीबार सर्वोच्च अदालतदेखि बालुवाटारसम्म मार्च पास गरेका थिए ।

प्रधानन्त्रीसँग छलफलकै अवसरमा बारले प्रधानन्यायाधीश जबरा पदमुक्त हुनुपर्ने १७ कारण प्रधानमन्त्री देउवालाई बुझाउने कार्यक्रम रहेको बार अध्यक्ष श्रेष्ठले बताए । यस अघि बारले प्रधानन्यायाधीश जबरा पदमुक्त हुनुपर्ने १७ कारण संघीय संसदमा प्रतिनिधित्व गर्ने दललाई ध्यानाकर्षणपत्र बुझाएको थियो ।

यसमा तपाइको मत

Your email address will not be published. Required fields are marked *


*