चितवन । नेकपा एमालेको १०औं महाधिवेशन आजबाट सुरु हुनलागेको छ । चितवनको नारायणघाटस्थित नारायणी नदीको किनारामा हुन लागेको उद्घाटन सत्रमा भाग लिन देशभरबाट एमाले समर्थकहरुको ओइरो लागेको छ ।
सहभागीहरु चारैतिरबाट नारायणघाट बजार प्रवेश गरिरहेका छन् । विभिन्न स्थानबाट जुलुस निकाल्ने तयारी भैरहेको छ । देशका विभिन्न क्षेत्रमा सहभागी हुन नेता कार्यकर्ता महाधिवेशनस्थल नारायणी नदी किनारमा जम्मा हुँदै छन् ।
उदघाटन समारोहपछि भोलिदेखि सौराहामा बन्दसत्र आयोजना हुँदैछ । यही बन्दसत्रबाट एमालेले नयाँ नेतृत्व चयन गर्नेछ ।
महाधिवेशनमा सहभागी हुन चितवन पुगेका नेताहरू शुक्रबार बिहान सौराहास्थित होटेलको प्राङ्गणमा टहलिँदै गर्दा कार्यकर्ता भने महाधिवेशनस्थल नदी किनारमा जम्मा भइरहेका छन् ।
महाधिवेशनको उद्घाटन सत्र सुरू हुनै लाग्दा अध्यक्ष केपी ओलीनिकटका रूपमा चिनिएका पृृथ्वीसुब्बा गुरूङ, विष्णु पौडेल, शंकर पोखरेल, सुवास नेम्वाङ, रघुविर महासेठ, ईश्वर पोखरेल, महेश बस्नेत, दुर्गा प्रसाईं, बच्चन सिंहलगायतका नेता होटेलमा टहलिँदै गरेका हुन् ।
प्रतिक्रिया