काठमाडौं । नेकपा एमालेको नयाँ नेतृत्व चयनका लागि सम्पन्न निर्वाचनको मतगणना सुरु भएको छ।
केन्द्रीय निर्वाचन आयोगले ८० वटै मतदान मेसिनबाट चिप्स निकाल्ने प्रक्रिया पूरा भएपछि मतगणना प्रारम्भ गरिएको जानकारी दिएको हो। आयोगका अनुसार करिब बिहान ११ बजेसम्म निर्वाचनको सम्पूर्ण परिणाम एकैपटक सार्वजनिक गर्ने तयारी गरिएको छ।
काठमाडौँको भृकुटीमण्डपमा बुधबार बिहान ९:२० बजे सुरु भएको मतदान प्रक्रिया करिब साढे २१ घन्टापछि बिहीबार बिहान ७ बजेतिर सम्पन्न भएको थियो।
निर्वाचन आयोगका अनुसार कुल २ हजार २ सय ६३ प्रतिनिधिमध्ये २ हजार २ सय २७ जनाले मतदान गरेका छन् भने विभिन्न कारणले ३६ जना प्रतिनिधि मतदानमा सहभागी हुन सकेनन्।
एमालेको नयाँ नेतृत्वका लागि केपी शर्मा ओली र ईश्वर पोखरेल आ–आफ्नो प्यानलसहित प्रतिस्पर्धामा छन्।
प्रतिक्रिया