काठमाडौं । लामो समय देखि अवरुद्ध संसद सुचारु गराउने प्रयास स्वरुप प्रधानमन्त्री शेरबहादुर देउवाले आईतबारकालागि सर्वदलीय बैठक डाकेका छन् । आइतबार दिउँसो ४ बजेका बैठक बोलाइएको हो । प्रधानमन्त्रीको सरकारी निवास बालुवाटारमा बैठक बोलाइएको प्रधानमन्त्रीको सचिवालयले जनाएको छ ।
संसद्को गतिरोध अन्त्य गर्ने उद्देश्यका साथ आईतबारका लागि प्रधानमन्त्रीबाट सर्वदलीय बैठक आह्वान भएको प्रधानमन्त्रीका प्रमुख स्वकीय सचिव भानु देउवाले पुष्टी गरे । प्रधानमन्त्रीमा नियुक्त भएदेखि नै प्रधानमन्त्री देउवाले संसद सुचारु भएको देख्न पाएका छैनन् । आफुले कारवाही गरेका एकीकृत समाजवादीका अध्यक्ष माधव नेपाल सहतिका नेताहरुको सांसद पद खारेजीको सूचना प्रकाशित नगर्दासम्म संसद चल्न नदिने अडानमा अहिले पनि एमाले कायम छ । एमालेकै कारण संसद एकदिन पनि सहज चल्न सकेको छैन ।
शुक्रबार बिहान प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डबीच भएको भेटवार्तामा सर्वदलीय बैठक बोलाउन प्रचण्डले प्रधानमन्त्री देउवालाई सुझाएका थिए । बालुवाटारमा भएको भेटवार्तामा संसदमा भइरहेको अवरोध हटाउने तथा एमसीसीको विषयमा पनि छलफल गर्न सर्वदलीय बैठक बोलाएर अघि बढ्नुपर्ने विषयमा प्रधानमन्त्री र प्रचण्डबीच सहमति भएको थियो ।
प्रतिक्रिया