आजको मौसम : देशभर बिहानैदेखि हुस्सु, हिमपातको सम्भावना

खबर कुरा
१७ पुष २०७८, शनिबार
                 

काठमाडौं । आज पनि बिहानैदेखि देशका अधिकांश भागमा हुस्सु र कुहिरो लागेको छ ।

जल तथा मौसम विज्ञान विभागका अनुसार आज देशका विभिन्न स्थानमा मौसम बदली हुने र उच्च पहाडी तथा हिमाली भेगमा हिमपातको सम्भावना रहेको छ ।

आज काठमाडौंसहित पहाडी भू-भाग र तराईमा कुहिरो लागेको छ । दिउँसो देशभरको मौसम बदली हुने महाशाखाले जनाएको छ ।

त्यस्तै, प्रदेश १ र गण्डकी प्रदेशका उच्च पहाडी तथा हिमाली भेगमा हिमपातको सम्भावना रहेको महाशाखाको आकलन छ ।

आज बिहानको काठमाडौं उपत्यकाको न्यूनतम तापक्रम ३.८ डिग्री सेल्सियस मापन गरिएको छ । दिउँसो तापक्रम बढेर १५ डिग्री सेल्सियसम्म पुग्ने महाशाखाले जनाएको छ ।

यसमा तपाइको मत

Your email address will not be published. Required fields are marked *


*