काठमाडौं । नेकपा माओवादी केन्द्रको विधान परिमार्जन भएकोछ ।
काठमाडौंको प्रज्ञा भवनमा जारी आठौं महाधिवेशनको बन्द सत्रमा नेता देव गुरुङले पेश गरेको विधान परिमार्जनसहित पारित भएको हो ।
पारित विधानअनुसार अब माओवादी केन्द्रमा १५ पदाधिकारीसहित केन्द्रीय समिति २९९ सदस्यीय हुनेछ । पदाधिकारीमा एक जना अध्यक्ष, एक जना वरिष्ठ उपाध्यक्ष, ६ जना उपाध्यक्ष, एक महासचिव, दुई उपमहासचिव, तीन सचिव र एक जना कोषाध्यक्ष रहनेछन् ।
विधानमा पदाधिकारीलाई समावेशी बनाउने जनाइएको छ । यसैगरी केन्द्रीय समितिमा ५० प्रतिशत खुला र ५० प्रतिशत समावेशी बनाइने छ । केन्द्रीय समितिले १५ प्रतिशत सदस्य मनोनित गर्ने व्यवस्था मिलाइएको छ ।
माओवादीले परिमार्जित विधान पारित गरेसँगै अब अध्यक्ष र बाहेकका पदाधिकारी चयन प्रक्रिया अघि बढाउने भएको छ ।
प्रतिक्रिया