काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी केन्द्रीय समितिमा २२६ जना केन्द्रीय सदस्यको नाम घोषणा गरेका छन् ।
काठमडौंको प्रज्ञा भनवमा जारी माओवादीको आठौं महाधिवेशनको बन्द सत्रमा अध्यक्ष प्रचण्डले आज साँझ ती नामहरु अनुमोदनका लागि प्रस्तुत गरेका हुन् ।
दिउँसो बसेको स्थायी समिति बैठकले केन्द्रीय सदस्यको नाम टुंग्याएपछि प्रचण्डले हलमा नाम प्रस्तुत गरेका हुन् । केन्द्रीय सदस्यको नाम प्रस्तुत गरेपछि पदाधिकारी टुङ्ग्याउने प्रचण्डले बताएका छन् । प्रचण्डले १२५ जना समानुपातिक र १११ जना खुला केन्द्रीय सदस्यको नाम पेश गरेका छन् । विधानअनुसार माओवादीमा समानुपातिकतर्फ १५४ र खुलातर्फ १४५ केन्द्रीय सदस्य रहेका छन् ।
अध्यक्ष प्रचण्डले नाम प्रस्तुत गर्नेक्रममा खस आर्यबाट आफ्ना भाइ नारायण दाहालको नाम पहिलो नम्बरमा पढेका छन् ।
प्रचण्डले पेश गरेको नाममा ध्वनीमतले सहमति नभए मात्र निर्वाचन प्रक्रियामा जाने बताइएको छ ।
प्रतिक्रिया