सप्तरी । सप्तरीको सप्तकोसी नगरपालिकामा दुई वटा मोटरसाइकल एकआपसमा ठोक्किँदा दुई जनाको मृत्यु भएको छ । अन्य चार जना घाइते भएका छन्।
सप्तकोसी नगरपालिका-४ तुलसी टोलस्थित कञ्चनपुर फतेपुर भित्री सडक खण्डमा को २२ प १५५८ नम्बरको मोटरसाइकलसँग अर्को मोटरसाइकल ठोक्किँदा मोटरसाइकल चालक दुवै जनाको मृत्यु भएको जिल्ला प्रहरी कार्यालय सप्तरी प्रवक्ता माधव प्रसाद काफ्लेले जानकारि दिएका छन् ।
कंचनरुप नगरपालिका-७ का सुभाष बस्नेत र उदयपुरको चौदण्डी गढी नगरपालिका-९ भिमा टोलका २८ वर्षीय शंकर चौधरीको उपचारको क्रममा विराटनगरमा मृत्यु भएको हो ।
दुर्घटनामा बस्नेतकी श्रीमती ३० वर्षीया ममता सापकोटा, उनको छोरा ८ वर्षीय सम्मर बस्नेत, एक वर्षीया छोरी सिम्रिका बस्नेत घाइते भएको प्रहरी प्रवक्ता काफ्लेको भनाई रहेको छ।
त्यसैगरी चौधरीको मोटरसाइकलमा सवार सप्तकोसी नगरपालिका-९ का ३५ वर्षीय रोहित चौधरी घाइते भएको छ । घटना सम्बन्धमा थप अनुसन्धान भइरहेको प्रहरीले जनाएको छ ।
प्रतिक्रिया