माओवादी अध्यक्षमा प्रचण्ड सर्वसम्मत चयन, भन्छन् – काँधमा ठूलो जिम्मेवारीको भारी थपियो

खबर कुरा
१९ पुष २०७८, सोमबार
                 

काठमाडौं । नेकपा माओवादी केन्द्रको अध्यक्षमा पुष्पकमल दाहाल प्रचण्ड सर्वसम्मत चयन भएका छन् ।

माओवादीको आठौं महाधिवेशनपछिको पहिलो केन्द्रीय समिति बैठकले प्रचण्डलाई अध्यक्षमा पुनः निर्वाचित गरेको हो । प्रचण्ड तीन दशकदेखि माओवादीको अध्यक्ष रहँदै आएका छन् ।

ललितपुरको हेरिटेज गार्डेनमा बसेको बैठकमा प्रचण्डलाई अध्यक्षमा निर्वाचित गरियोस भनेर नेता नारायणकाजी श्रेष्ठले प्रस्ताव गरेका थिए भने कृष्णबहादुर महराले समर्थन गरेका थिए ।

त्यसपछि हललाई सम्बोधन गर्दै बैठकको अध्यक्षता गरेका नेता दीनानाथ शर्माले प्रचण्ड सर्वसम्मतबाट निर्वाचित भएको घोषणा गरेका थिए ।

अध्यक्षमा निर्वाचित भएपछि प्रचण्डले आफ्नो काँधमा पुनः ठूलो जिम्मेवारीको भारी थपिएको प्रतिक्रिया दिएका छन् ।

केन्द्रीय समिति बैठकलाई सम्बोधन गर्दै प्रचण्डले प्रस्तावक, समर्थक र सिंगो केन्द्रीय समितिलाई धन्यवाद दिएका छन् । उनले पार्टीलाई सुदृढ गनुपर्ने र देशलाई दिशानिर्देश गर्नुपर्ने अवस्थामा अझै केही समय सक्रिय हुनुपर्ने बाध्यता रहेको बताए ।

यसमा तपाइको मत

Your email address will not be published. Required fields are marked *


*