मन्दिरहरुबाट मुर्ती र धार्मिक सामाग्री चोर्ने व्यक्ति बाँके प्रहरीबाट पक्राउ

खबर कुरा
२२ पुष २०७८, बिहीबार
                 

नेपालगञ्ज । बाँके प्रहरीले मन्दिरबाट मुर्तीलगायतका विभिन्न सामानहरु चोरी गर्ने एकजनालाई पक्राउ गरेको छ ।

नेपालगञ्ज र आसपासका मन्दिरहरुबाट मुर्ति र धार्मिक सामाग्री चोरी गर्ने एक जनालाई बुधबार राती प्रहरीले पक्राउ गरेको हो ।

नेपालगञ्ज उप–महानगरपालिका–१ स्थित राम जानकी मन्दिरबाट मुर्तीलगायतका विभिन्न सामानहरु चोरी भएको सूचनाका आधारमा खोजी गर्नेक्रममा एकजनालाई पक्राउ गरिएको प्रहरीले जनाएको छ ।

प्रहरीका अनुसार प्रक्राउ पर्नेमा नेपालगञ्ज उप–महानगरपालिका–१ बस्ने २५ वर्षीय असरफ बागवान रहेका छन् ।

प्रहरीले बागवानका साथबाट भगवानको मुर्ती तीन थान, पाँच थान घण्टी, नाग देवताको मुर्ती दुई थान, तामाको लोटा चार थान, त्रिशुल तीन थान, आरती एक थान, पाला छोप्ने ढक्कन आठ थान, पाला दुई थान, टिका राख्ने भाँडा एक थान, फलामको सिक्रि एक थान, सानो आरी एक थान र रिन्च एक थान बरामद गरेको जनाएको छ ।

यसमा तपाइको मत

Your email address will not be published. Required fields are marked *


*