काठमाडौं । पछिल्लो २४ घण्टामा देशभर थप ९६८ जनामा कोरोना संक्रमण पुष्टि भएको छ । देशभरीका प्रयोगशालाहरुमा १४ हजार ९७१ जनाको परीक्षण गर्दा पीसीआर विधिबाट ५७२ र एन्टिजेन विधिबाट ३९६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार आजैमात्र कुल थपिएका संक्रमित मध्य २४ जनालाई ओमिक्रोन भेरियण्टको संक्रमण भेटिएको थियो ।
२४ घण्टाकै अवधिमा थप २६२ जना सङ्क्रमणमुक्त भएको समेत मन्त्रालयको विज्ञप्तिमा उल्लेख छ । नेपाल हालसम्म कूल सङ्क्रमितमध्ये ८ लाख १३ हजार ७०९ जना सङ्क्रमणमुक्त भइसकेका छन् ।
मन्त्रालयका अनुसार कोरोना सङ्क्रमणबाट थप कसैको मृत्यु भने भएको छैन । हालसम्म देशभर ११ हजार ६०२ जनाले ज्यान गुमाइसकेका छन् ।
स्वास्थ्य मन्त्रालयका अनुसार पछिल्लो २४ घण्टामा २ लाख ६३ हजार ३७१ जनाले कोरोनाविरुद्धको खोप लगाएका छन् । १ करोड ४९ लाख २ हजार ६८७ जनाले एक मात्रा मात्र खोप लगाएको मन्त्रालयले जनाएको छ ।
प्रतिक्रिया