आज पनि भारतबाट नेपालगन्जमा भित्रिए ३९ जना कोरोना संक्रमित नेपाली

नेपालगन्ज । नेपाल भारत सीमानाका अन्तर्गत नेपालगन्जको जमुनाहा नाकाबाट दिनदिनै कोरोना संक्रमित भित्रनेको संख्या बढ्दै गएको छ । अघिल्लो साता एक अंकमा सिमित रहेको संक्रमित भित्रिनेको संख्या पछिल्लो ३ दिन देखि २ अंकमा उकालो लागेको छ ।

आईतबार एकैदिनमा नेपालगन्जमा ३९ जना संक्रमितहरु भारतबाट भित्रिएका छन् । ६७५ जनाको एन्टिजेन परिक्षण गर्दा १३ जना पुरुष र २६ जना महिलामा कोरोना संक्रमण पुष्टि भएको जिल्ला कोभिड व्यवस्थापन समितिले जनाएको छ ।

पुस २२ गते २३ जनामा संक्रमण पुष्टि भएको जमुनाहा नाकामा पुस २३ गते २६ जना र पुस २४ गते ४६ जनामा कोरोना संक्रमण पुष्टि भएको थियो ।

संक्रमण देखिएका सबैलाई नेपालगन्ज स्थित बाल मन्दिर आइसोलेसनमा राखी व्यवस्थापन गरिएको बाँकेका कोरोना फोकलपर्शन तेज वलीले जानकारी दिए ।