प्रदेश २ को स्थायी राजधानी जनकपुरधाम कायम

जनकपुरधाम । प्रदेश २ को स्थायी राजधानी जनकपुरधाम कायम भएको छ ।

प्रदेश २ प्रदेशसभामा सोमबार भएको मतदानमा जनकपुरधाम राजधानी राख्न दुई तिहाई सांसदहरुले मतदान गरेपछि स्थायी राजधानीको टुंगो लागेको हो ।

जनकुपुरलाई प्रदेशको राजधानी जनकपुर तोक्ने प्रस्तावका सम्बन्धमा भएको मतदानमा प्रदेशसभामा उपस्थित ९९ सांसदमध्ये ७८ जनाले पक्षमा मतदान गरेका छन् ।

त्यसपछि, सभामुख सरोजकुमार यादवले प्रदेश सभामा हाल कायम रहेको १०४ जना सांसदमध्ये ७८ सांसदले मतदान गरेको र पक्षमा दुई तिहाइ भन्दा बढी मत रहेको बताउँदै प्रदेशको स्थायी राजधानी जनकपुर कायम भएको घोषणा गरेका छन् ।

प्रस्ताव अनुसार प्रदेशको राजधानी धनुषा जिल्लाको उत्तरमा ढल्केवर पूर्वपश्चिम राजमार्ग, पूर्वमा कमला नदी, दक्षिणमा नेपालको सीमाना र पश्चिममा मिथिला माध्यमिकी परिक्रमाभित्रको सम्पूर्ण भूभाग समेटिएको जनकपुरधाम रहने उल्लेख छ ।