काठमाडौं । प्रधानमन्त्री शेरबहादुर देउवाले स्थानीय तहको निर्वाचनबारे छलफल गर्न भन्दै सर्वदलीय बैठक आह्वान गरेका छन् । प्रधानमन्त्री निवास बालुवाटारमा शनिबार बिहान साढे ९ बजेका लागि प्रधानमन्त्री देउवाले सर्वदलीय बैठक आह्वान गरेका हुन् ।
शुक्रबार उच्चस्तरीय राजनीतिक समन्वय समितिको बैठक लगत्तै स्थानीय तहको निर्वाचनबारे दलहरुसँग छलफल गर्न सर्वदलीय बैठक बोलाइएको प्रधानमन्त्रीको सचिवालयले जनाएको छ । सर्वदलीय बैठक बोलाउनुअघि काँग्रेस सभापति समेत रहेका देउवाले शुक्रबार साँझ आफ्नै पार्टीका नेताहरुसँग पनि छलफल गरेका थिए ।
आज बसेको सत्तारुढ संयन्त्रको बैठकले स्थानीयतह सहित तीनै तहको निर्वाचनका सम्बन्धमा कानुनबिज्ञहरुसँग परामर्श गर्ने समेत निण्र्नय गरेको थियो । स्थानीय तह निर्वाचनबारे कानुन विज्ञसँग छलफलअघि नै प्रधानमन्त्री देउवाले सर्वदलीय बैठक बोलाएका छन् ।
प्रतिक्रिया