काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहाललाई कोरोना संक्रमण भएको छ ।
लामो समयदेखि बिरामी अवस्थामा रहेकी दाहाललाई कोरोना संक्रमण पुष्टि भएपछि अस्पताल भर्ना गरिएको छ ।
दाहाललाई निमोनिया समेत देखिएपछि शनिबार मेडिसिटी अस्पतालको आईसीयूमा भर्ना गरेर उपचार भैरहेको पारिवारिक स्रोतले जानकारी दिएको छ। दाहालको स्वास्थ्य अवस्था अहिले स्थिर रहेको छ ।
दाहाल पार्किन्सन्ससँग मिल्दोजुल्दो लक्षण भएको एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पीएसपी) बाट पीडित छिन्।
केही दिनअघि अध्यक्ष प्रचण्डलाई समेत कोरोना संक्रमणा भएको थियो ।
प्रतिक्रिया