काठमाडौं । नेकपा (माओवादी केन्द्र)का नेता वर्षमान पुन ‘अनन्त’ स्वास्थ्यलाभ गरेर नेपाल फर्केका छन् । नेता अनन्त छिमेकी राष्ट्र चीनमा उपचार गरी आज राती स्वदेश फर्किएका हुन् ।
सोमबार राति त्रिभूवन अन्तराष्ट्रिय विमानस्थलमा अवतरण गरेका अनन्तले सञ्चारकर्मीहरुसँग कुरा गर्दै आफूले नयाँ जीवन पाएको बताए । उनले महाधिवेशनबाट चुनिएको अध्यक्ष प्रचण्डको नेतृत्वको नयाँ केन्द्रीय समितिले पार्टी जीवनमा पनि नयाँ जोश र जाँगर पैदा गरेको बताए ।
पार्टीमा समझदारीबाट नेतृत्व चयन हुने बताउँदै उनले समझदारी कायम गर्न सबैको योगदान रहने विश्वास समेत व्यक्त गरे । माओवादी केन्द्रको केन्द्रीय समितिको बैठक नेता अनन्तको आगमन कुर्दै पटकपटक सर्दै आएको छ ।
नेता अनन्तको आगमन हुने मिति तय भएपछि नै अध्यक्ष प्रचण्डले केन्द्रीय समितिको बैठक आह्वान गरेका छन् । नेता अनन्त कलेजो सम्बन्धी रोगको उपचारको सिलसिलामा थाइल्याण्ड हुँदै चीन पुगेका थिए । लामो समयको उपचार पश्चात उनी सोमबार राति कार्गो विमानमार्फत स्वदेश फर्किएका हुन् ।
प्रतिक्रिया