दाङ । प्रहरीले दाङको घोराहीबाट ठुलो परिणामको लागु औषध ब्राउनसुगर सहित २ जनालाई पक्राउ गरेको छ । जिल्ला प्रहरी कार्यालय दाङ, इलाका प्रहरी कार्यालय नारायणपुर दाङ र अस्थायी प्रहरी पोष्ट बसपार्क घोराही दाङबाट खटिएको संयुक्त प्रहरी टोलीले घोरोही ९ चैनपुरबाट ३७ ग्राम २३० मिलिग्राम ब्राउनसुगर सहित २ जनालाई पक्राउ गरेको हो ।
पक्राउ पर्नेमा घोराही ९ का २३ वर्षिय सुरेन्द्रबहादुर घर्ती मगर र घोरोही १८ मसिनाका २४ वर्षिय अरुण घर्तीमगर रहेका छन् । प्रहरीका अनुसार चैनपुर स्थित २३ को सुरेन्द्र बहादुर घर्ती मगरको घरमा लागु औषध (ब्राउन सुगर) को कारोबार गरिरहेको भन्ने गोप्य सूचनाको आधारमा जिल्ला प्रहरी कार्यालय दाङ, इलाका प्रहरी कार्यालय नारायणपुर दाङ र अस्थायी प्रहरी पोष्ट बसपार्क घोराही दाङबाट खटिएको संयुक्त प्रहरी टोलीले २ जनालाई ब्रउनसुगर सहित पक्राउ गरेको हो ।
उनीहरुबाट १२ वटा पुडियामा प्याकिङ गरिएको खुद तौल गर्दा ३७ ग्राम २३० मिलिग्राम लागु औषध (ब्राउन सुगर) बरामद भएको दाङ प्रहरी प्रवक्ता डीएसपी डा. हेमबहादुर केसीले जानकारी दिए । उनका अनुसार उनीहरुबाट ७९ हजार ५०० रुपैयाँ नगद, डिजिटल मेसिन तराजु १ थान र एण्ड्रोईड मोबाईल २ थान पनि बरामद गरिएको छ ।
पक्राउ परेका दुबै जनालाई दाङ जिल्ला अदालत घोराही दाङबाट १२ दिनको म्याद लिएर थप अनुसन्धान कार्य भई रहेको डीएसपी केसीले बताए । ।
प्रतिक्रिया