काठमाडौं उपत्यकाका सिडिओले जोरविजोर प्रणालीको समीक्षा गर्ने

खबर कुरा
१३ माघ २०७८, बिहीबार
                 

काठमाडौं । काठमाडौं उपत्यकाभित्रका तीन जिल्ला प्रशासन कार्यालयले जोर विजोर प्रणालीबारे पुनर्विचार गर्ने भएका छन् ।

कोरोना भाइरसको महामारीको तेस्रो लहर बढ्न थालेपछि उपत्यकामा केहीदिनयता यातायातमा जोरविजोर प्रणाली लागु गरिएको छ । तर, यसबाट कोरोना संक्रमण रोक्ने भन्दा पनि आम मानिसमा झन संक्रमणको जोखिम बढेको भन्दै तिब्र आलोचना भएको थियो । सबै कामकाज जारी रहेको बेलामा यातायातमा मात्रै जोरविजोर गर्दा चल्ने सवारी साधनको चाप घटेपनि चलेका सवारीमा मानिसहरु कोचिएर यात्रा गर्न बाध्य भएका छन् ।

चौतर्फी आलोचना बढेपछि उपत्यकाका सिडिओहरुले यसबारे समीक्षा गर्न लागेका हुन् । यद्यपी, जोरविजोर लगाउँदा आम मानिस अनावश्यक रुपमा घर बाहिर निस्कने प्रवृत्तिमा कमी आएको कतिपयले विश्लेषण गरेका छन् । मिश्रित प्रतिक्रियाका बीच अब के गर्ने भन्ने बारेमा समीक्षा हुने काठमाडौंका प्रमुख जिल्ला अधिकारी गोविन्दप्रसाद रिजालले बताएका छन् ।

यसमा तपाइको मत

Your email address will not be published.


*