बुटवल । रोटरी क्लब अफ बुटवल डाउनटाउनले ईम्युनिट बढाउने औषधी वितरण गरेको छ ।
शनिबार देविनगरस्थित चौपारीमा एक समारोहका बिच बुटवल उपमहानगरपालिका वडा नं ११ का वडाअध्यक्ष रामचन्द्र क्षेत्री, क्लबका अध्यक्ष जबिन कक्षपति, एजी जीवन अधिकारीले जि २५ क्लबका अध्यक्ष निर्मल नेपाल, संस्थापक अधयक्ष रमेश कुमार जोशी तथा कबिराज तथा योग अभियन्ता विष्णुहरि आचार्यलाई ५० हजार रुपैया बराबरको औषधि (लाईभ प्रोटेक्ट एच) हस्तान्तरण गरिएको हो ।
कार्यक्रममा वडा नं ११ का वडाअध्यक्ष रामचन्द्र क्षेत्रीले कोभिड सामान्य बन्दै गएको र यसलाई निर्मुल गराउन सबै लाग्नुपर्ने बताए । आत्मबल बढाउनु कोभिडको पहिलो उपचारको चरण भएको भन्दै उनले सचेतना र औषधी पनि धेरै उपयोगी भएको बताए ।
लाईभ फार्माच्युटिकल्स प्रालिले उत्पादन गरेको औषधीलाई सामाजिक उत्तरदायित्व अन्तरगत थोरै सहयोग गरिएको क्लबका उपाध्यक्ष तथा प्रालिका संचालक शिव ज्ञवालीले बताए ।
कार्यक्रममा क्लबका प्रेसिडेन्ट ईलेक्ट भरत रानाले औषधीको बजारमा अभाव रहिरहेको बेला आफुहरु निशुल्क औषधी वितरणमा थोरै योगदान दिएको बताए । कबिराज तथा योग अभियन्ता विष्णुहरि आचार्यले कोभिड लागेका तथा अन्यलाई समेत यो औषधी धेरै उपयोगी हुने बताए ।
प्रतिक्रिया