९ श्रावण २०८१, बुधबार | July 24, 2024

युवा संघ नेपाल रुपन्देहीको बृहत् रक्तदान सम्पन्न



बुटवल । नेकपा एमालेको भातृ संगठन युवा संघ नेपालको सप्ताहव्यापी रक्तदान अभियानअन्तर्गत रुपन्देहीमा मंगलबार रक्तदान कार्यक्रम सम्पन्न भएको छ । युवा संघ रुपन्देहीले बुटवलको रक्तसञ्चार केन्द्रमा आयोजना गरेको कार्यक्रममा १२५ यूनिट रगत संकलन भएको छ ।

युवा संघ रुपन्देहीले आयोजना गरेको रक्तदान कार्यक्रममा युवाहरुको सक्रिय सहभागिता रहेको कार्यक्रम संयोजक तथा युवा संघ जिल्ला कार्यसमिति सदस्य दिपक खड्कीले बताए । नेकपा एमाले जिल्ला कमिटी सदस्य तथा युवा संघ रुपन्देही इन्चार्ज केशव रोकाले सामाजिक अभियानसँगै स्वास्थ्य क्षेत्रमा समेत युवाहरुको योगदानका लागि रक्तदान कार्यक्रमको आयोजना गरिएको उल्लेख गरे ।

रगत नपाएर कुनै पनि नागरिकले अकालमा ज्यान गुमाउनु पर्ने बाध्यताको अन्त्यका लागि यो अभियानले सहयोग गर्ने उनले उल्लेख गरे । युवा संघले सप्ताहव्यापी रुपमा देशका अन्य जिल्लाहरुमा समेत यसैगरी रक्तदान कार्यक्रमको आयोजना गरिरहेको उनले जानकारी गराए ।

युवा संघ रुपन्देहीका अध्यक्ष मनोज गौचन, युवा नेताहरु दिनानाथ भट्टराई, सुरज खरेललगायतको उपस्थिति रहेको रक्तदान कार्यक्रममा रक्तसञ्चार केन्द्र बुटवलको प्राविधिक सहयोग रहेको थियो । मुलुकका विभिन्न आन्दोलनहरुमा मात्रै होइन मानवीय सेवामा पनि युवा संघ तयार छ भन्ने सन्देश यो अभियानले दिने उनीहरुले बताए ।

रक्तदाताहरुलाई प्रमुख अतिथि युवा संघ रुपन्देही इन्चार्ज रोकालगायत उपस्थित अतिथिहरुले प्रमाणपत्र प्रदान गरेको सदस्य कृष्ण कुमालले जानकारी दिए । कार्यक्रम सहसंयोजक विकासजंग बस्नेतले कार्यक्रम सञ्चालन गरेका थिए ।

प्रकाशित मिति : १८ माघ २०७८, मंगलबार  ६ : ४२ बजे

संवैधानिक पदमा विवादमा आएका व्यक्तिलाई नियुक्ति नगर्न मानव अधिकार आयोगको निर्देशन

काठमाडौं । राष्ट्रिय मानव अधिकार आयोगले लोकतन्त्रको भावना र संविधानको

नेपालको वीरता र सौर्यको इतिहास विश्वमा प्रचार गरौँ : राष्ट्रपति

काठमाडौं । राष्ट्रपति रामचन्द्र पौडेलले वीर पूर्खाहरूको साहस, वीरता र

बुद्ध दर्शनलाई कमजोर हुन दिइन्न : प्रधानमन्त्री ओली

काठमाडौं । प्रधानमन्त्री केपी शर्मा ओलीले नेपाली भूमिका जन्मिएका सिद्धार्थ

विमान दुर्घटनाको छानबिन गर्न जाँचबुझ आयोग गठन

काठमाडौं । सरकारले विमान दुर्घटनाबारे छानबिन गर्न पाँच सदस्यीय जाँचबुझ

निर्वाचन आयोगको आयुक्तमा सिफारिस भएका प्रधानको सुनुवाई भयो निर्णय भएन

काठमाडौं । संसदीय सुनुवाई विशेष समितिमा निर्वाचन आयोगको आयुक्तमा सिफारिस