बुटवल । बुटवलका समाजसेवी खेम पुनको मंगलबार निधन भएको छ । खेम-ओमी पुन कल्याणकारी प्रतिष्ठानका संस्थापक संरक्षक ६० वर्षीय पुनको मष्तिकघातका कारण मृत्यु भएको हो ।
मष्तिस्कघात भएपछि पुनको उपचारका क्रममा काठमाडौंको ग्रिन सिटी अस्पतालमा मंगलबार मृत्यु भएको ओमी पुन कल्याणकारी प्रतिष्ठानका उपाध्यक्ष नारायणप्रसाद पन्थले बताए ।
नेपाल औषधी ब्यवसायी संघ लुम्बिनीको अध्यक्ष समेत भई सकेका पुन बुटवलमा असल समाजसेवी तथा अभिभावकको पहिचान बनाएका थिए ।
खेम-ओमी पुन कल्याणकारी प्रतिष्ठानले १ करोड रुपैयाँको अक्षयकोष खडा गरेर प्रत्येक वर्ष चिकित्सा, इन्जिनियर अध्ययन गर्ने विद्यार्थीलाई छात्रावृत्ति प्रदान गर्दै आएको छ ।
औषधि व्यवसायी पुन शनिबार औषधि व्यवसायीको बैठकमा सहभागी हुन वीरगञ्ज पुगेका थिए । बैठककै क्रममा असहज लागेर बाहिरिएका उनी बेहोस अवस्थामा भेटिएपछि उपचारका लागि अस्पताल लगिएको थियो ।
सोमबार हेलिकप्टरमार्फत काठमाडौंस्थित ग्रिनसिटी अस्पताल पुर्याएर उपचाररत उनको मंगलबार दिउँसो १२ बजे मृत्यु भएको पन्थले जानकारी दिए ।
प्रतिक्रिया