बुटवल । सडक विस्तार योजनाका लागि भन्दै बुटवल गुल्मी खण्डको जार्ते भीरमा १५ दिन दैनीक राती ५ः३० घण्टा सडक बन्द हुने भएको छ । सडक चौडा गर्ने प्रयोजनका लागि दैनीक राती ५ः३० घण्टा सडक बन्द गरिने सडक डिभिजन कार्यालय पाल्पाले जनाएको छ ।
निर्माण व्यवसायी प्रदिप साईन जेभीको आग्रहमा सडक चौडा गर्ने प्रयोजनका लागि सडक बन्द गर्ने निर्णय भएको सडक डिभिजन कार्यालयको सूचनामा उल्लेख गरिएको छ । कार्यालयका अनुसार दैनीक राती ९ बजेबाट बिहान ३ः३० बजे सम्म सडक बन्द गरेर चौडा गर्ने काम गरिने छ ।
बन्द हुने समयमा कुनैपनि सवारी साधन सो सडकमा चल्न नपाउने सूचनामा जनाईएको छ । त्यस बाहेकको समयमा भने सडक किनारबाट सवारी आवागमन सुचारु हुनेगरि सडक निर्माणका काम अगाडी बढाउन निर्माण व्यवसायीलाई कार्यालयले निर्देशन गरेको छ ।
प्रतिक्रिया