काठमाडौं । संसदमा एमसीसीबारे सैद्धान्तिक छलफल हुनुअघि सत्ता गठबन्धनमा रहेका दुई कम्युनिष्ट पार्टीका शीर्ष नेताबीच छलफल भएको छ ।
माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालबीच सिंहदरबारमा छलफल भएको हो । छलफलमा एकीकृत समाजवादीका सम्मानित नेता झलनाथ खनाल पनि सहभागी भका छन् ।
एमसीसीमाथि आजै दिउँसो १ बजे बस्ने प्रतिनिधिसभा बैठकमा सैद्धान्तिक छलफल सुरु हुँदैछ । एमसीसीको पक्षमा मतदान गर्न सत्ताको नेतृत्व गरेको नेपाली कांग्रेसले माओवादी र एकीकृत समाजवादीलाई दबाब दिइरहेको छ ।
यद्यपी, आजको दिनसम्म पनि यी दुवै पार्टीले आफ्नो पूर्ववत निर्णयअनुसार एमसीसीको विपक्षमा मतदान गर्ने बताउँदै आएका छन् । छलफलमा सत्ता गठबन्धनको भविष्यलाई लिएर छलफल भएको बताइएको छ । एमसीसी निर्णायार्थ पेश गर्दा कसरी प्रस्तुत हुने भन्ने विषयमा दुवै पार्टीले समान धारणा बनाउन खोजिरहेका छन् ।
दुवै पार्टीले एमसीसीको विपक्षमा मतदान गर्ने निर्णय गरे कांग्रेसले गठबन्धन तोडेर एमालेसँग सहकार्य गर्ने रणनीति बनाएको छ ।
एमसीसीको विरोधमा माओवादी र एकीकृत समाजवादीका जनवर्गीय संगठनहरु सडक आन्दोलनमा रहेका छन् ।
प्रतिक्रिया