काठमाडौं । नेकपा एमालेका सचिव योगेश भट्टराईले प्रधानमन्त्रीले आफुहरुसँग ब्ल्यांक चेक मागेको बताएका छन् ।
बिहीबार संसद भवनबाट बाहिरिँदै सचिव भट्टराईले गठबन्धन असफल भएपछि प्रधानमन्त्रीले एमालेसँग ब्ल्यांक चेक मागिरहेको बताएका हुन् । तर उनले आफुहरु त्यसरी खाली चेक दिने पक्षमा नभएको स्पष्ट पारे । उनले भने, ‘एमाले विपक्षी दल हो, हाम्रो आफ्नै मागहरू छन्, हाम्रा माग पूरा भए हामी सहयोग गर्न सक्छौँ, तर एमालेले ब्ल्यांक चेक दिँदैनौं ।’
भट्टराईले गठबन्धनको असफलताले मुलुकलाई अन्तराष्ट्रिय रुपमै बदनाम गराएको बताए । उनले गठबन्धनको संकटलाई राष्ट्रिय संकट ठान्ने गल्ति गरिएको जिकिर गर्दै जतिसक्दो चाँडो गठबन्धन भत्किुनपर्ने धारणा राखे । अन्तराष्ट्रिय स्तरमा देशको इज्यत गुमेको बताउदै उनले यसको जिम्मा पनि गठबन्धनले नै लिनुपर्ने बतए ।
प्रतिक्रिया