नेपालगन्ज । नेपालगन्ज स्थित नेपाल-भारत सीमा जमुनाहनाका आज (शुक्रबार) साँझदेखि ६० घण्टाका लागि बन्द हुने भएको छ ।
भारतको बहराइच, श्रावस्ती लगायतका सीमावर्ती जिल्लामा फागुन १५ गते हुने विधानसभाको निर्वाचनलाई लक्षित गर्दै दुई देशबीचको जमुनाहा नाका ६० घण्टाका लागि बन्द हुने भएको हो ।
आज बेलुकी ६ बजेदेखि फागुन १६ गते सोमबार बिहान ६ बजेसम्मका लागि सीमानाका पूर्णरूपमा बन्द हुने बाँके प्रहरी प्रमुख श्यामकृष्ण अधिकारीले जानकारी दिए । सीमानाकामा ६० घण्टासम्म सवारीसाधन र पैदलयात्रु समेतलाई आवतजावतमा पूर्ण रोक लगाइने उनले बताए ।
प्रहरीका अनुसार आपात्कालीन सेवाहरु भने दुबैदेशका सुरक्षा अधिकारीहरुको समन्वयमा सुचारु हुन सक्ने छ ।
प्रतिक्रिया