काठमाडौं । अमेरिकन सहयोग मिलिनियम च्यालेन्ज कर्पोरेशन (एमसीसी) परियोजना अनुमोदन गर्ने विषयमा थप छलफल गर्न नेकपा (माओवादी केन्द्र)का शीर्ष नेताहरुको बैठक बसिरहेको छ ।
अध्यक्ष प्रचण्ड निवास खुमलटारमा बसिरहेको बैठकमा एमसीसीबारे ब्याख्यात्मक प्रस्ताव पारित गर्ने विषयमा छलफल भैरहेको छ । गठबन्धन भत्किने अवस्था पुगेपछि यसअघि बसेको माओवादी शीर्ष नेताहरुको बैठकले अन्तिम प्रयत्न गर्ने निर्णय गरेको थियो । त्यसैअनुसार शुक्रबार र शनिबार कांग्रेससँग निरन्तर सम्वाद गरेका अध्यक्ष प्रचण्डले एमसीसीलाई पारित गर्ने र गठबन्धन पनि जोगाउने उपाय खोजेका थिए ।
एमसीसी पारित गर्नुअघि नेपालले राख्दै आएका चासोलाई सम्बोधन गर्नेगरी व्याख्या गरेर पुरक प्रस्ताव पारित गर्ने सहमति भएको थियो । यस प्रस्तावामा एकीकृत समाजवादी र जनता समाजवादी पार्टी पनि सहमति भएका थिए । तर, त्यसअघि माओवादीले र एकीकृत समाजवादीले पार्टीबाट निर्णय गर्नुपर्ने अडान प्रधानमन्त्री शेरबहादुर देउवा र कांग्रेसका नेताहरुले राखेका थिए ।
प्रतिनिधिसभा बैठक आजै दिउँसो १ बजे बस्दैछ ।
प्रतिक्रिया