तानसेन । पाल्पामा १४ वर्षिया नाबालिका माथि बलात्कार भएको छ । चैत्र ४ गते भएको बलात्कारको बलात्कृत नाबालिकाका परिवारले २ दिन पछि प्रहरीमा उजुरी दिएपछि आइतबार सार्वजनिक भएको हो ।
पाल्पाको रिब्दिीकोटकी १४ वर्षिया बालिकालाई २१ वर्षिय स्थानीय मिनबहादुर गाहाले बलात्कार गरेको उजुरी परेको प्रहरीले जनाएको छ । ४ गते साँझ ७ बजेको समयमा गाहाले नावालिकालाई ललाई फकाई बलात्कार गरेको भन्दै शनिबार बालिकाकी आमाले प्रहरीमा किटानी उजुरी दिएको प्रहरीले जनाएको छ ।
बलात्कारको आरोप लागेका गाहालाई प्रहरीले नियन्त्रणमा लिएर अनुसन्धान गरिरहेको पाल्पा प्रहरी प्रवक्ता प्रहरी निरिक्षक लक्ष्मण पचभैयाले जानकारी दिए ।
प्रतिक्रिया